أضف سؤال أو موضوع جديد          

كم تسوى ان انفينيتي جي 37 موديل 2013

up 3 down 0
abu fahad1438 9
قبل 6 سنه و 7 شهر



عندي سيارة انفينيتي 2013 
شريتها من مزاد السيارات الدولي 38الف 
على حالتها المهم اكتشفت بعد مااستلمتها أن القير يفضل بين الثالث والرابع
والسيارة روعة كل شيء ثاني اوكي
غيرت القير ب 9500 عند ورشة وطلعت السيارة قد مرت عليهم
وقالي السيارة كانت غرقانة فيضانات وان الظفيرة مغيرة
وماخوذه من موديل2009
وبعدين طلعت بعض المشاكل ظهور زيت تحت المكينة بشكل خفيف
وصرفية البنزين بزيادة ... العزم ممتاز بس بدت تطلع لمبة المكينة وشيكت
قالو ضغط المكينة وأفضل الاصبع وتضبط بس تطلع بين فترة والثانية
ولا عاد تخليك تسرع الظاهر حماية المكينة 
الزبدة ابي أبيع السيارة ورحت للحراج من قبل أقل من سنة وقالو 28 ولابعت
وبعدين قلت البيع ما وصلت إلا عشرين الف وطبعا اقولهم المشاكل
وبعضهم يتردد.اذا قلتله ثم يهون ورضيت أبيعها بعشرين لواحد في السوق فاهم في السيارات
شكله ميكانيكي صمل ثم هون
ظنكم كم تسوى السيارة ابي ابيعها واقصط جديدة واقتصادية

 








إبلاغ إبلاغ



سيارات للبيع

الردود


اعانك الله

حبيت ارحب فيك صفة الأمانه ووصفك لحال السياره للمشتري على حقيقتها،،

ثق بأن الله سيعوضك ولو بعد حين ،،


up 1 down 0
panamira 1906
قبل 6 سنه و 7 شهر



يالطيب
تبي رقم ورشة يمكن تلقى عنده لها حل !



up 0 down 0
mohammad saeed 2864
قبل 6 سنه و 7 شهر



بصراحة شئ يزعل. 
هل يوجد اي ضمانات من المعرض او انه مزاد مكيرفون؟ انت وحظك؟ 
على كل حال، في حالتك اذا السيارة تمشي طبيعي خليها معاك سنة او سنتين و وقن البيع ماعاد تفرق، اذا سعرها الان ٢٠ الف تقدر تستخدمها كم سنة وبعدها تبيع وماتفرق الا الف او الفين فقط. لأن سعرها ماعاد ينزل الا ٥٪‏ لكل سنة من هذا الوقت. 


up 0 down 0
dell2012 1044
قبل 6 سنه و 7 شهر



سوق السيارات في ركود
نصيحه 
انت دفعت كثير في السياره
اذا الخرابات الباقيه بسيطه سويها وامشي بالسياره
اذا متوقع خرابات اكثر بيعها وامرك لله باللي تتيسر ٢٠  او ٢٥
وان شالله لك الاجر في امانتك


up 0 down 0
ebraheempro 46
قبل 6 سنه و 7 شهر



جزاك الله خير اخوي بانميرا على حسن ظنك وكلماتك الطيبة
جزاك الله خير اخوي محمد أنا في الرياض ومريت على الصناعية 
وهذي من عيوب السيارة انك ما تلقى ورش كثيرة عارفين السيارة لأنها معقدة وكهرباء كثير
ورش قليلة وكل واحد يشوف انه الافضل واسعارها مرتفعة بحكم أن السيارة تعتبر فخمة ولو أنها مستعملة 
هم يشوفون كذا حتى التشليح يزيدون. والوكالة يعطونك مواعيد وخل السيارة وأنتظر.
احلى شئ اشتر جديد لأن مشاكلة أقل.
جزاك الله خير اخوي ديل . الصراحة بيعهم الغالب انت وحظك
أذكر أول مافتح المزاد كان فيه بعض السيارات معها أنها مفحوصة 
وإذا فيها مشاكل يكتبونها. بعدين حطو ملاحظة السيارة على حالتها
وأكثر الناس تجي.قبل مايبدا المزاد ويدفعون الفين ريال ومعهم أجهزة فحص البوية
ويشترون بعض السيارات من الناس والأكثر انها من الشركات والبنوك
ويعلنون قبل المزاد بس اجراءاتهم بطيئة  وتحتاج تحسين . 
ولكن انصح بعدم الاستعجال في الشراء منه 




up 0 down 0
abu fahad1438 9
قبل 6 سنه و 7 شهر



جزاك الله خير اخوي ابراهيم ابحاول انزلها.الحراج قريب بإذن الله وبشوف وش تغير على السعر
وفكرت اخليها في معرض لأن السوق رماد و بحكم أن معي سيارة ثانية واللي بيشتري يفحص أو يتصل علي من المعرض
السيارة خراباتها بسيطة بس ذا السيارات الرياضية معقدة في الصيانة
واكثرها برمجة والورش متعبة ... أنا غيرة لي القير في الورشة 3مرات على الضمان وآخر مره زبطت بسبب قطعة إلكترونية والمفروض يحطونها من اول
تغيير .. وروحات وجيات وتعبت الكلام قبل أكثر من سنة 


up 0 down 0
abu fahad1438 9
قبل 6 سنه و 7 شهر



السوق ركود ... تصحيح كلمة رماد


up 0 down 0
abu fahad1438 9
قبل 6 سنه و 7 شهر



ركود و رماد و غبنة للي بيبيع
و اللي بيشتري يوسوس و صعب تلقى جاد و جازم
و فلوسه و شوره معه

الله يسهل أمورك و يعوضك خير على أمانتك و الحمدلله على كل حال


up 0 down 0
مثقف سيارات 1154
قبل 6 سنه و 7 شهر



الله يجزاك خير اخوي هذا من طيبك


up 0 down 0
abu fahad1438 9
قبل 6 سنه و 6 شهر