أضف سؤال أو موضوع جديد          

نهاية الفلتة والهياط وتقولون عاطلين وش نسوي

up 14 down 15



السلام عليكم ورحمة الله وبركاته

صبحكم بالخير

سيارات جيوب ربع سعرها فوق 100 الف والناس تشتكي من العطالة ويلعبون فيها

فوق هذا بمشاكل كلهم الغرب منها مخدرات و ورعان وتبون الحكومة تسكت

ولا كأنهم بشيكاغوا كل واحد مطلع رشاشة من الشباك وانواع الهياط

والله لو فيها سجن سنه اقل شيء كان احترموا انفسهم

http://www.youtube.com/watch?v=EHk5Wa-Rwjc

المقطع الثاني للترفية فقط

http://www.youtube.com/watch?v=tInQPamIFWk







إبلاغ إبلاغ



الردود


الموضوع ماله علاقة بالبطالة لا عاطل ولا غيره

اغلب الي يفحطون ويمهجولين ماسكين وظائف حكومية قوية

الي صدم الدورية في الطايف شغال معلم والي قبل فترة يفحط ودهس واحد ومات يشتغل عسكري

مو كل عاطل لزم يكون صايع وضايع بعدين هذولي ما دفعو في السيارات ريال واحد الله يخلي بابا وماما الي ما يركبون الا آخر موديل والوالد يلعب فيها


up 15 down 1
ms any 542
قبل 10 سنه



اقصد ان الناس العادة يسوون هالحركات ولو تسألهم يقولون الفراغ والعطاله

هذا كلام الناس ماهو من عندي جايبه واللي صدم الدورية بالطايف المعلم لو سألته يقولك الفراغ نفس الشيء

عموما اتمنى سجن للاشكال هذي ما يقل عن سنه سواء معاه رشاش او ما معاه بس يطارد وراهم 


up 2 down 2



طيب اخوي ms any والدرباويه ممكن تقولين كلهم موظفين !!! 


up 3 down 0
سلطان 2009 315
قبل 10 سنه



الدرباوية حاله خاصه سواء موظف او عاطل ودك تغشهم بحط بنزين بعلبة الحمضيات ولا اعتقد راح يلاحظ فرق او يحس


up 4 down 0



يا جماعة الخير أحد يفهمني

إلا يعد هذا إرهاب ؟! 

ما هذه الجراءة العجيبة و الله ما كنا نعرف شكل المسدس الربع قبل ١٥ سنة و أكثر 

الحين نشوف الرشاش مع البزران في الشوارع و في مواكب التفحيط و أماكن التجمعات!!

كيف صار هذا و متى و أين و من أوصلنا إلى هذا الحال الأمني الخطير و المتدهور ؟؟!

طيب وين دور السلطات المعنية عن مثل هذا كله ؟! 

و الله الواحد صار يخاف على أهله و أخوانه

و صار العاقل منا يبلع الكثير من الإهانات و المضايقات وهو يسير بسيارته خوفاً من المشاكل و التعرض للقتل بسلاح رشاش أو مسدس أو صدم بالسيارة من قبل هذه الفئة المنحرفة من العاطلين و الداجين

شباب ضايع فاسد لا دين و لا خلق و لا علم و لا إنتاجية ولا حتى حكومة قادرة تربيهم أقسم بالله تعبنا


up 2 down 0
أبو جـود 2747
قبل 10 سنه



كذاب اللي يقولك فراغ 
وعطالة وفضاوة
ذول الاششكال اذا اجتمعوا الشياطين وهي شياطين تشرد منها والعياذ بالله
ناس يتسكعوا بالاسواق ويتغزلوا ومسوين مواكبين العصر 
وناس يهايطوا على خلق الله ومسوين انهم قبيلة 
وناس حالهم في شانهم ولاهم حقين مشاكل وملتزمين بالاخلاق وعاقلين ويحسبون للحياة اللي يعيشوها حساب انهم يعيشون للوصول للقمة
ايهم تختار ايها المواطن لصالحك وصالح بلدك ^_^


ياشين اﻻشكال هذي اللي مسوين هيط يحسبون المرجله بالهياط والسﻻح الله يهديهم


up 1 down 0
إلنترااا 278
قبل 10 سنه



من امن العقوبه اساء الادب


up 1 down 1
amear 1347
قبل 10 سنه



طيب وش محرق رزك 


up 1 down 25
vdhk2011 -33
قبل 10 سنه



انا محرق رزي ان عندك نقاط و تشارك معنا

المفروض تروح تدور وراهم و تشاركهم هياطهم

ديسلايك الرد اللي قبلي


up 8 down 3



اخوي مالها العطاله اي سبب

للمعلوميه اكثر من يقوم بهذي الحركات هم عساكر وانا اعرف عينات

وبعضهم ضباط للاسف

انا اعرف عاطلين كثير لكن مايسوون هالحركات




up 1 down 1



شكرا على الدسلايك 


up 1 down 8
vdhk2011 -33
قبل 10 سنه



إذارزك منحرق طفه 


up 1 down 5
vdhk2011 -33
قبل 10 سنه



وش دخل العطاله 

العاطل من وين له فلوس يشري مواتر قيمته 100 الف ! 

اكثرهم موظفين واغلب الدرباويه بالامن العام 


up 4 down 0
fawaz__11 534
قبل 10 سنه



عندي اخويااي عاطلين ومشتركين بنادي حديد وربي حتى الدخان ما يعرفونه

مو كل عاطل صار فاسد وخربان

العطالة صارت شماعة نعلق عليها فساد التنشئة والصحبة السيئة واهمال الوالدين لابنائهم..


up 6 down 0
jibreen 134
قبل 10 سنه



كيف عاطلين ومشتركين في نادي حديد اعمال حره ههههه


^^^^^ كلام سليم اخوي ( من امن العقوبه اساء الادب )



up 0 down 0
Abu-Nawaf 337
قبل 10 سنه



هههههههههههههههههههههههه


up 0 down 0
vdhk2011 -33
قبل 10 سنه



ناايف يعني من صار عاطل لازم يكون فقراان

الحمدلله اهلهم مو قاصر عليهم وحافز يصرف لهم

ومو شرط عاطل يعني بياع ولا يتعامل بالمخدرات




up 0 down 0
jibreen 134
قبل 10 سنه