أضف سؤال أو موضوع جديد          

واجهتك مشكله ابحث عن السبب

up 3 down 3
سكودر 14929
قبل 10 سنه و شهر



السلام عليكم 

 لو وجهتك مشكله ابحث عن السبب لا تدرعم وتطيح بناس نصابين المبدا عندهم قروشك 

 يعني مثلن شخص اعرفه معه سياره وفيها نفقيشن  ودها تلميع   فاشل وابو كلب نجار او سباك جاي يلمع سياره فارهه  وش سوو  غسلو سياره بماء و

 بدون مايفصلون بطاريه او ينشفون سياره زين    بعد تلميع تشوف سياره تلمع وانبسط راعيها  

 ثاني يوم الشاشه طافيه نهائي ماتشغل   وفيها زي التماس  طبعن  راح فيها راعيها وكاله قالو لزم شاشه كامله وسعرها طبعن خرافي 

 بعد محاولات وتعب   قرر صاحب  سياره البحث  في النت والمواقع الانجلينزي  واصحاب خبره وناس  فاهمه 

 قررو ان شاشه سياره خربت وسبه تلميع 

 راح محل اصلاح شاشات قالو هل سياره تعرضت لمياه قال لا والله   بعد فحص حصلو فيه فيش محروق 

  غيروه وتكلفه كانت بسيطه  


 دايم الواحد مايستعجل   ويحكم لزم ينتبه حتى لو شي كان بسيط  دايم نبحث عن الاسباب 

 حتى لو وديت سيارتك  لمحل  تلميع او ورشه مافيها  شي لو تسال الناس خبره ترا ماهو عيب ولاحرام انك تسال 

 حتى لو تبي تغير فحمات سيارتك  شوف لك ورشه ممتازه ولها سمعه 


 او محل تلميع كويس وفاهم بسيارات فخمه  الي فيها شاشات واشياء حساسه  الدعوه مو انك ماتفهم الدعوه انك تبي تفهم ليه يسوو كذا وكيف يكون الشغل 

 ودايم ما ننصح بي الافضل  حتى لو تودي سيارتك لتلميع  مافيها شي لو تقوله انتبه من هذا  وحذره  

 ويكون تلميع فاهم وقد لمع سيارات نفس سيارتك   ويكون سمعته طيبه وفنان 


 ودايم بعد مانسمع من اصحاب سيارات الي يقلون فكو علي مرتبه تلميع واشتغلت لمبه الارباق 







إبلاغ إبلاغ



سيارات للبيع

الردود


يارجال اليوم رحت محل الاديترات وبغيت اغير اديتر الفورد
جيت عند واحد مصري واسمعه يحلف لزبون انه رديتر الوطني افضل من حق الوكاله الي يجي في السيارة من بلدها
لا ويعذرب في حق الوكاله يقول واصلن حق الوكال صيني مش اصلي 
المهم سحبت عليه وقلت اقعد لأم الفري 
انا بالنسبه لي الحمد لله الوالد عنده ورش سمكرة وبوية ومكانيكا وكهرباء واذا احتجت اسوي سيارتي كلها ساعه او اقل اسويها وانا فوق روسهم 
واخذ سيارتي واتوكل لاكن اشوف ناس ترمي المفاتيح وتقول للعامل سوي كذا وغير كذا والقطع فالشنطة حقت السيارة بأمكان العامل ياخذ القطعه الاصليه 
ويرجعها او يبيعها ويركب للمغفل تجاري ناس ماعندها عقول ترمي حلالها بيد المترديه والنطيحه ولاصار شي يحس وقتها


up 1 down 0
نادرالزهراني 429
قبل 10 سنه و شهر



للاسف بعض الناس يعتبر انه عيب او حرام انك تقول ميده انتبه لكذا وركب كذا ولاتنسى كذا او انك تقعد تطالعه في شغله ترى هو بني ادم وابن ادم خطأ يعني ممكن يخطي ويركب شي خطا او انه ينسى او انه يكون ماعنده لاذمة ولا ضمير ويركب لك شي تجاري والاصلي يستفيد منه وهاذا عيب بعض ربعنا اتكالية ولايحب ينتظر ويعتبر اللي حريص على موتره من الناحية ذي مررريض او شكاك بالعكس العامل اصلن اذا شافك فوق راسه وحريص بيشتغل بدقة ويعمل لك الف حساب ... موضوع جيد والى الامام


up 0 down 0
a.ibrahem 3168
قبل 10 سنه و شهر



سبحان الله 

انا عادتي انه لو في شي بالسيارة افحصها اقل شي عند ثلاثة لو قالو نفس الكلام
انه الخلل من هذا الشي  اصلحه



up 0 down 0
business to consumer 1163
قبل 10 سنه و شهر